കോടിയേരി ബാലകൃഷ്ണൻ തിരിച്ചെത്തി; തുടർ ചികിത്സ കേരളത്തിൽ
Mail This Article
×
തിരുവനന്തപുരം∙ ചികിത്സാർഥം അമേരിക്കയിലായിരുന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ തിരിച്ചെത്തി. കേരളത്തിൽ 6 മാസം കൂടി ചികിത്സ തുടരാനാണു ഡോക്ടർമാർ നിർദേശിച്ചിരിക്കുന്നത്.
കഴിഞ്ഞ മാസം 29നാണ് തുടർചികിത്സയ്ക്കായി കോടിയേരി ഭാര്യ വിനോദിനിക്കൊപ്പം ഹൂസ്റ്റണിലേക്കു തിരിച്ചത്. കാൻസർ ബാധിതനായ അദ്ദേഹം മുൻപ് രണ്ടു തവണ അവിടെ ചികിത്സ നടത്തിയിരുന്നു. ശസ്ത്രക്രിയയ്ക്കു വിധേയനായതും അമേരിക്കയിലാണ്. കീമോ തെറപ്പി ഉൾപ്പെടെ ചികിത്സ കേരളത്തിൽ തുടരാനാണു ഡോക്ടർമാർ നിർദേശിച്ചത്.
ചൊവ്വാഴ്ച പുലർച്ചെ എത്തിയ കോടിയേരി 10 മണിയോടെ പൊതു പരിപാടിയിൽ പങ്കെടുക്കുകയും ചെയ്തു. ഉപതിരഞ്ഞെടുപ്പ് നടക്കുന്ന തൃക്കാക്കരയ്ക്ക് അടുത്തയാഴ്ച പോകും.
English Summary: Kodiyeri Balakrishnan returned to Kerala after treatment from USA
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.