എംപി ഫണ്ട് ‘കുളമാക്കിയാലും’ ഇനി ആരും ചോദിക്കില്ല!

കോട്ടയം ∙ എംപിമാർക്ക് ഇനി ‘കുളം കുഴിക്കാം’! എംപിമാരുടെ പ്രാദേശിക വികസന ഫണ്ട് കുളങ്ങൾ നിർമിക്കാനും ഉപയോഗിക്കാം. ഓരോ വർഷവും 5 കോടി രൂപയാണ് എംപി ഫണ്ട്. 

ജലസ്രോതസ്സുകളെ പുനരുജ്ജീവിപ്പിക്കുന്നതിന് പ്രധാനമന്ത്രി നരേന്ദ്ര മോദി പ്രഖ്യാപിച്ച ‘അമൃത് സരോവർ പദ്ധതി’യിലാണ് ഈ അനുമതി. നിലവിലുള്ള കുളം നന്നാക്കുന്നതിനു മാത്രമേ പണം നൽകാൻ ഇതുവരെ അനുമതി ഉണ്ടായിരുന്നുള്ളൂ. അമൃത് സരോവർ പദ്ധതി പ്രകാരം രാജ്യത്ത് ഓരോ ജില്ലയിലെയും 75 ജലസ്രോതസ്സുകൾ കണ്ടെത്തി സംരക്ഷിക്കും. ആവശ്യമെങ്കിൽ എംപി ഫണ്ടിൽ നിന്ന് പണം മുടക്കി പുതിയ കുളങ്ങൾ നിർമിക്കുകയും ചെയ്യാം. 

Content Highlights: Amrit sarovar scheme, MP Fund