ഗാന്ധിചിത്രം തകർത്തവരോ ഗാന്ധിശിഷ്യർ: മുഖ്യമന്ത്രി
Mail This Article
തിരുവനന്തപുരം ∙ രാഹുൽ ഗാന്ധിയുടെ ഓഫിസിൽനിന്ന് എസ്എഫ്ഐക്കാർ മടങ്ങിയശേഷമാണ് ഗാന്ധിജിയുടെ ചിത്രത്തിനു നേരെ ആക്രമണമുണ്ടായതെന്നും ആ ചിത്രം തകർത്തവരാണോ ഗാന്ധിശിഷ്യന്മാരെന്നും കോൺഗ്രസിനെ വിമർശിച്ച് മുഖ്യമന്ത്രി പിണറായി വിജയൻ. ഗാന്ധി ഘാതകരെക്കാൾ ഗാന്ധിനിന്ദ നടത്തുന്നവരാണ് സിപിഎമ്മുകാരെന്നും പയ്യന്നൂരിൽ ഗാന്ധി പ്രതിമയുടെ തല വെട്ടിയതു മുഖ്യമന്ത്രി മറന്നോ എന്നും പ്രതിപക്ഷനേതാവ് വി.ഡി.സതീശൻ തിരിച്ചടിച്ചു.
മുഖ്യമന്ത്രിയുടെ വാദം: ആക്രമണത്തിനു ശേഷമുള്ള ഓഫിസ് ദൃശ്യങ്ങളിൽ ഗാന്ധിജിയുടെ ചിത്രം ചുമരിലുണ്ടായിരുന്നു. പിന്നെ ആരാണു തകർത്തത്?
സതീശന്റെ മറുചോദ്യം: അന്വേഷണത്തിന് എഡിജിപിയെ നിയമിച്ചിരിക്കെ, എന്തടിസ്ഥാനത്തിലാണ് ഈ ആരോപണം ? പൊലീസ് റിപ്പോർട്ട് ലഭിച്ചോ ? സീൻ മഹസർ പോലുമെടുക്കാതിരിക്കെ എങ്ങനെ ഈ നിഗമനത്തിലെത്തി? മുഖ്യമന്ത്രി ഇങ്ങനെ പ്രഖ്യാപിച്ച സ്ഥിതിക്ക് മാറ്റിപ്പറയാനും റിപ്പോർട്ട് നൽകാനും എഡിജിപിക്കു കഴിയുമോ ? ഇതു നിയമവിരുദ്ധമാണ്.
English Summary: CM Pinarayi Vijayan slams Congress over Rahul Gandhi's office attack