‘പിണറായിയെ കുറ്റപ്പെടുത്തിയാൽ ചിലതു ചെയ്യേണ്ടിവരും’: കെ.കെ. രമയ്ക്ക് വധഭീഷണിക്കത്ത്

തിരുവനന്തപുരം∙ ആർഎംപി നേതാവ് കെ.കെ.രമ എംഎൽഎയ്ക്കു വധഭീഷണിക്കത്ത്. എംഎൽഎ ഹോസ്റ്റലിലെ ഓഫിസിലാണു കത്തു ലഭിച്ചത്. പയ്യന്നൂർ സഖാക്കൾ എന്ന പേരിലാണ് കത്ത്. ‘പിണറായി വിജയനെ കുറ്റപ്പെടുത്തി കയ്യടി നേടാനാണു ഭാവമെങ്കിൽ ചിലതു ചെയ്യേണ്ടി വരും. ഭരണം പോയാലും അതു ചെയ്യും’ എന്നാണു കത്തിലെ ഭീഷണി. ഈ കത്ത് അടക്കം രമ ഡിജിപിക്കു പരാതി നൽകി. മുഖ്യമന്ത്രി പിണറായി വിജയനും ആഭ്യന്തര വകുപ്പിനുമെതിരെ നിയമസഭയിൽ രമ വിമർശനം ഉന്നയിച്ചിരുന്നു. അതിനു ശേഷം എം.എം.മണി എംഎൽഎ രമയ്ക്കെതിരെ പരാമർശം നടത്തുകയും വിവാദമായപ്പോൾ സിപിഎം നിർദേശ പ്രകാരം പിൻവലിക്കുകയും ചെയ്തു.

English Summary: KK Rema gets a death threat letter