അങ്കണവാടിയിൽ നാളെമുതൽ മുട്ടയും പാലും

തിരുവനന്തപുരം∙ സംസ്ഥാനത്തെ അങ്കണവാടികളിലെ കുട്ടികൾക്കു നാളെ മുതൽ ആഴ്ചയിൽ 2 ദിവസം പാലും മുട്ടയും കൂടി ലഭിക്കും. ഒരു ഗ്ലാസ് പാൽ വീതം തിങ്കൾ, വ്യാഴം ദിവസങ്ങളിലും ഒരു മുട്ട വീതം ചൊവ്വ, വെള്ളി ദിവസങ്ങളിലുമാണു നൽകുക. 33,115 അങ്കണവാടികളിലെ 3–6 പ്രായത്തിലുള്ള 4 ലക്ഷത്തോളം കുട്ടികൾക്കു പ്രയോജനം ലഭിക്കും. ഇതിനായുള്ള ‘പോഷക ബാല്യം’ പദ്ധതിക്ക് വനിതാ ശിശുവികസന വകുപ്പ് 

61.5 കോടി രൂപയാണു വകയിരുത്തിയിരിക്കുന്നത്. പദ്ധതിയുടെ സംസ്ഥാനതല ഉദ്ഘാടനം നാളെ 12നു ഡിപിഐ ജവാഹർ സഹകരണ ഭവനിൽ മുഖ്യമന്ത്രി പിണറായി വിജയൻ നിർവഹിക്കും. 

English Summary:  Egg and Milk distribution in Anganwadi