അ‍ഞ്ചേക്കർ പടവലത്തോട്ടം വെള്ളത്തിലായ കർഷകന് കൃഷിവകുപ്പ് തുണ

asokan-and-sunilraj
വെള്ളം കയറിയ പടവലതോട്ടത്തിൽനിന്ന് കണ്ടത്തിൽ അശോകനും അന്നമനട കൃഷി അസിസ്റ്റന്റ് സുനിൽരാജും വിളവെടുത്ത് മടങ്ങുന്നു.
SHARE

അന്നമനട (തൃശൂർ) ∙ വെള്ളംകയറി മുങ്ങിയ പടവലത്തോട്ടം കണ്ടു നെഞ്ചുപൊട്ടിയ അശോകൻ കൃഷിഭവനിലേക്കു വിളിച്ചു: ‘സർ, 3 ദിവസമായി എന്റെ തോട്ടം വെള്ളത്തിലാണ്. എന്തു ചെയ്യണമെന്നറിയില്ല.’ അശോകനെ അമ്പരപ്പിച്ച് കൃഷി അസിസ്റ്റന്റ് സുനിൽ രാജ് ഉടൻ തോട്ടത്തിലെത്തി. 5 ഏക്കറിലായി 600 കിലോഗ്രാം പടവലങ്ങ അശോകനൊപ്പം വെള്ളത്തിലിറങ്ങി പറിച്ചുകൂട്ടി. തീർന്നില്ല, കൃഷിവകുപ്പ് സംഘമെത്തി അഗ്രോ സർവീസ് സെന്ററിന്റെ വാഹനത്തിൽ നാടുമുഴുവൻ കൊണ്ടുനടന്നു വിറ്റുതീർത്തു! വിള മുഴുവനും നശിച്ചു വലിയ നഷ്ടമുണ്ടാകുമെന്നു കരുതിയ അശോകനു വലിയ ആശ്വാസം.

ചാലക്കുടിപ്പുഴ കവിഞ്ഞൊഴുകിയപ്പോഴാണ് അന്നമനട പൂവത്തുശേരിയിൽ കണ്ടത്തിൽ അശോകന്റെ കൃഷിയിടം മുങ്ങിയത്. മാള കൃഷി അസി. ഡയറക്ടർ സോണിയ അഗ്രോ സർവീസ് സെന്ററിന്റെ വാഹനം വിട്ടുകൊടുത്തു. കൃഷിവകുപ്പ് കരാർ ജീവനക്കാരായ സന്ദീപ്, കുമാരദാസ് എന്നിവരുടെ സഹായത്തോടെ മാള, പൊയ്യ, കൊടുങ്ങല്ലൂർ മേഖലകളിൽ എത്തിച്ചാണു പടവലങ്ങ വിറ്റത്. ഇതേ തോട്ടത്തിൽനിന്നു സംഭരിച്ച 2 ചാക്ക് പച്ചക്കറി മേലഡൂരിലെ ദുരിതാശ്വാസ ക്യാംപിലും എത്തിച്ചുനൽകി.

English Summary: Agriculture department help for Asokan

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇതിലും ചെലവുകുറഞ്ഞ വീടില്ല! | Hometour | Lowcost Home

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}