തമസ്കരിക്കപ്പെട്ട സ്വാതന്ത്ര്യ സമരസേനാനികൾക്ക് മോദി സർക്കാർ അംഗീകാരം നൽകി: ജാവഡേക്കർ
Mail This Article
കൊച്ചി ∙ ദേശീയ സ്വതന്ത്ര്യ സമരത്തിനു നേതൃത്വം നൽകിയിട്ടും വേണ്ടത്ര അംഗീകാരം കിട്ടാതെ തമസ്കരിക്കപ്പെട്ട സ്വാതന്ത്ര്യ സമര സേനാനികൾക്കു മോദി സർക്കാർ അംഗീകാരവും ആദരവും നൽകിയെന്നു മുൻ കേന്ദ്രമന്ത്രിയും ബിജെപി കേരള ഘടകം പ്രഭാരിയുമായ പ്രകാശ് ജാവഡേക്കർ.
പ്രധാനമന്ത്രി നരേന്ദ്ര മോദിയുടെ ജന്മദിനാഘോഷങ്ങളുടെ ഭാഗമായി ബിജെപി ജില്ലാ കമ്മിറ്റി സംഘടിപ്പിച്ച സേവാ പാക്ഷികം പ്രദർശിനി ഉദ്ഘാടനം ചെയ്യുകയായിരുന്നു അദ്ദേഹം. 8 വർഷം കൊണ്ടു ദേശീയവാദികൾക്ക് ആത്മവിശ്വാസവും പ്രചോദനവും നൽകാനും അവരെ ഒന്നിപ്പിക്കാനും മോദി സർക്കാരിനു കഴിഞ്ഞുവെന്നും അദ്ദേഹം പറഞ്ഞു.
ജില്ലാ പ്രസിഡന്റ് എസ്.ജയകൃഷ്ണൻ അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് എ.എൻ.രാധാകൃഷ്ണൻ, മഹിളാ മോർച്ച ദേശീയ സെക്രട്ടറി പത്മജ എസ്.മേനോൻ, സംസ്ഥാന വൈസ് പ്രസിഡന്റ് ഡോ. കെ.എസ്.രാധാകൃഷ്ണൻ എന്നിവർ പ്രസംഗിച്ചു.
English Summary: Prakash Javadekar visits Kerala