ഭാരത് ജോഡോ യാത്ര: ഹർജി തള്ളി

കൊച്ചി ∙ രാഹുൽ ഗാന്ധി നയിക്കുന്ന ഭാരത് ജോഡോ യാത്ര ഗതാഗത തടസ്സമുണ്ടാക്കുന്നില്ലെന്ന് ‍ഉറപ്പാക്കണമെന്നാവശ്യപ്പെട്ട് നൽകിയ ഹർജി ഹൈക്കോടതി തള്ളി. റിട്ട.എസ്പിയും അഭിഭാഷകനുമായ കൊല്ലം മുഖത്തല സ്വദേശി കെ. വിജയൻ നൽകിയ ഹർജിയാണു ചീഫ് ജസ്റ്റിസ് എസ്.മണികുമാർ, ജസ്റ്റിസ് ഷാജി പി.ചാലി എന്നിവരുൾപ്പെട്ട ഡിവിഷൻ ബെഞ്ച് തള്ളിയത്. റോഡ് മുഴുവൻ നിറഞ്ഞാണു യാത്ര പോകുന്നതെന്നും വലിയ ഗതാഗത തടസ്സമുണ്ടാക്കുന്നെന്നും ഹർജിയിൽ വിശദീകരിച്ചിരുന്നു.

English Summary: Plea against Bharat Jodo yatra rejected by High court