‘പ്രതിക്കു ജഡ്ജിയുമായി ബന്ധം’; വിചാരണക്കോടതി മാറ്റാൻ അതിജീവിത സുപ്രീം കോടതിയിൽ

ന്യൂഡൽഹി ∙ നടിയെ ആക്രമിച്ച കേസിൽ വിചാരണക്കോടതി മാറ്റണമെന്ന് ആവശ്യപ്പെട്ട് അതിജീവിത സുപ്രീം കോടതിയിൽ അപേക്ഷ നൽകി. പ്രതിക്കു വിചാരണക്കോടതി ജഡ്ജിയുമായി ബന്ധമുണ്ടെന്ന് ആരോപിച്ചാണിത്. ഈ ബന്ധത്തിനു പൊലീസിന്റെ കയ്യിൽ തെളിവുണ്ടെന്നും വിചാരണക്കോടതി മുൻവിധിയോടെ പെരുമാറിയെന്നും ഹർജിയിൽ ആരോപിക്കുന്നു.

വിചാരണക്കോടതി മാറ്റണമെന്ന അതിജീവിതയുടെ ആവശ്യം, ജഡ്ജിക്കെതിരായ ആരോപണങ്ങളിൽ കഴമ്പില്ലെന്നു വ്യക്തമാക്കി കഴിഞ്ഞയാഴ്ച ഹൈക്കോടതി തള്ളിയിരുന്നു. വിധിയുടെ വിശദാംശങ്ങൾ പ്രസിദ്ധീകരിക്കുന്നതു തടയണമെന്ന അതിജീവിതയുടെ ആവശ്യവും കോടതി അംഗീകരിച്ചിരുന്നില്ല.

English Summary: Actress Attack Case: Victim moved to SC to change trial court