വിദ്വേഷത്തിന് രാജ്യത്തെ വിട്ടുകൊടുക്കില്ല: രാഹുൽ ഗാന്ധി

നിലമ്പൂർ ∙ വെറുപ്പിനും വിദ്വേഷത്തിനും രാജ്യത്തെ വിട്ടുകൊടുക്കാനാകില്ലെന്ന് രാഹുൽ ഗാന്ധി. ഭാരത് ജോഡോ യാത്രയുടെ സംസ്ഥാനതല സമാപന സമ്മേളനത്തിൽ പ്രസംഗിക്കുകയായിരുന്നു അദ്ദേഹം. രാജ്യത്തെ ജനതയെ ഒന്നിപ്പിക്കുകയാണ് ഭാരത് ജോഡോ യാത്രയുടെ ലക്ഷ്യം. വിദ്വേഷ പ്രചാരണവുമായി അധികാരത്തിലേക്കു കടന്നുവന്നവരുടെ പ്രവർത്തനഫലമാണ് ഇപ്പോൾ രാജ്യം അനുഭവിക്കുന്നത് – രാഹുൽ ഗാന്ധി പറഞ്ഞു.  

സമ്മേളനത്തിൽ കെപിസിസി പ്രസിഡന്റ് കെ.സുധാകരൻ ആധ്യക്ഷ്യം വഹിച്ചു. ഇന്നു രാവിലെ 6.30ന് നിലമ്പൂർ മാർത്തോമ്മാ കോളജിൽനിന്നു തുടങ്ങുന്ന യാത്ര 11ന് വഴിക്കടവ് മണിമൂളി സി.കെ.ഹൈസ്കൂളിൽ സമാപിക്കും. ഉച്ചയ്ക്കു ശേഷം തമിഴ്നാട്ടിലെ ഗൂഡല്ലൂരിലേക്കു കടക്കും.

English Summary: Rahul Gandhi against hatred