കോട്ടയത്തുനിന്ന് കാണാതായ യുവാവ് തിരുവനന്തപുരത്ത് മരിച്ച നിലയിൽ

കോട്ടയം ∙ കൊല്ലാടുനിന്ന് കാണാതായ യുവാവിനെ തിരുവനന്തപുരം പിരപ്പൻകോട് റബർ തോട്ടത്തിൽ മരിച്ച നിലയിൽ കണ്ടെത്തി. കൊല്ലാട് പുത്തേട്ട് ജയിംസ് വർഗീസ് (33) ആണ് മരിച്ചത്. മൃതദേഹത്തിനു 2ദിവസത്തെ പഴക്കമുണ്ടെന്നു പൊലീസ് പറഞ്ഞു. കഴിഞ്ഞ ദിവസം ബന്ധുക്കൾ ഈസ്റ്റ് പൊലീസിൽ പരാതി നൽകിയിരുന്നു. തൂങ്ങി മരിക്കാൻ പോകുന്ന ദൃശ്യങ്ങൾ ഇയാൾ സമൂഹമാധ്യമങ്ങളിലൂടെ സുഹൃത്തുക്കളുമായി പങ്കുവച്ചിരുന്നു. ജയിംസ് സഞ്ചരിച്ച കാർ തോട്ടത്തിനു സമീപത്തുനിന്ന് കണ്ടെത്തിയിട്ടുണ്ട്. വെഞ്ഞാറമൂട് പൊലീസ് അന്വേഷണം ആരംഭിച്ചു.

English Summary: Youth missing from kottayam found dead in Thiruvananthapuram