വെളുത്ത പാന്റ്സ്, ഷർട്ട്, ഷൂ യൂണിഫോം; സന്നദ്ധ സേവനത്തിന് കോൺഗ്രസ് വൈറ്റ് ആർമി
Mail This Article
കൊച്ചി ∙ സാന്ത്വനപരിചരണം പോലുള്ള രാഷ്ട്രീയേതര സാമൂഹികസേവന പദ്ധതികളുമായി ഇനി കോൺഗ്രസിന്റെ ‘വൈറ്റ് ആർമി.’ 1250 അംഗ സന്നദ്ധ സേവനസംഘം രൂപീകരിച്ചത് എറണാകുളം ജില്ലാ കോൺഗ്രസ് കമ്മിറ്റിയാണ്. വെളുത്ത പാന്റ്സ്, ഷർട്ട്, ഷൂ എന്നിവയാണു യൂണിഫോം. വരുന്ന റിപ്പബ്ലിക് ദിനത്തിൽ ഔദ്യോഗിക തുടക്കം.
സംസ്ഥാനത്ത് ആദ്യമായി ഒരു ഡിസിസി ഓഫിസിൽ വിപുലമായ ലൈബ്രറിയും പഠനഗവേഷണ കേന്ദ്രവും സ്ഥാപിച്ചതും എറണാകുളം ജില്ലാ കമ്മിറ്റിയായിരുന്നു. നിർധനർക്കുള്ള വീടു നിർമാണം, ശുചീകരണം, ലഹരിവിരുദ്ധ ബോധവൽക്കരണം തുടങ്ങിയവ ഏറ്റെടുത്തു നടത്തും.
ഓരോ മണ്ഡലം കമ്മിറ്റികളിൽ നിന്നും ചുരുങ്ങിയത് 10 പേരെ വീതമാണ് ഉൾപ്പെടുത്തിയത്. 1250 പേർ റജിസ്റ്റർ ചെയ്തു കഴിഞ്ഞു. 4 ദിനം നീളുന്ന ആദ്യ ക്യാംപിന് ഇന്നു കളമശേരിയിൽ തുടക്കമാകും. ഡിസംബർ ഒന്നിനു സമാപിക്കും. സന്നദ്ധപ്രവർത്തകർക്കെല്ലാം മെഡിക്കൽ ഇൻഷുറൻസ് പോളിസിയും ലഭ്യമാക്കുമെന്ന് ഡിസിസി അധ്യക്ഷൻ മുഹമ്മദ് ഷിയാസ് പറഞ്ഞു.
English Summary: Congress white army for social service