ഹൈസ്കൂൾ അധ്യാപക തസ്തിക: 1:40 അനുപാതം ഈ വർഷം കൂടി

kasargod news
SHARE

തിരുവനന്തപുരം∙ ധനവകുപ്പ് എതിർത്തെങ്കിലും ഹൈസ്‌കൂൾ അധ്യാപക തസ്തിക നിർണയത്തിന് ഈ വർഷം കൂടി 1:40 എന്ന അനുപാതം നിലനിർത്താൻ മന്ത്രിസഭ തീരുമാനിച്ചു. ഇതു പ്രകാരം പൊതുവിദ്യാഭ്യാസ വകുപ്പ് ഉത്തരവിറക്കും.

പൊതു വിദ്യാലയങ്ങളിൽ കഴിഞ്ഞ 6 വർഷം കൊണ്ട് 9 ലക്ഷം വിദ്യാർഥികൾ വർധിച്ചെന്നാണു സർക്കാരിന്റെ കണക്ക്. വിദ്യാർഥികൾ കുറവായിരുന്ന കാലത്ത് അധ്യാപകരെ സംരക്ഷിക്കാൻ നൽകിയിരുന്ന ഇളവ് ഇനി തുടരേണ്ട കാര്യമില്ലെന്നാണു ധനവകുപ്പിന്റെ നിലപാട്. 1:40 അനുപാതം ഇനി അനുവദിക്കില്ലെന്നു വ്യക്തമാക്കി ഏതാനും മാസം മുൻപ് ഉത്തരവും ഇറക്കി. ആ ഉത്തരവിൽ ഇളവു വരുത്താനാണു മന്ത്രിസഭാ തീരുമാനം.

ഹൈസ്‌കൂൾ അധ്യാപക തസ്തിക നിർണയത്തിനു നിലവിലുള്ള അനുപാതം 1:45 (45 വിദ്യാർഥികൾക്ക് ഒരു അധ്യാപകൻ) എന്നാണ്. മതിയായ കുട്ടികളില്ലാത്ത സ്‌കൂളുകളിൽ മുൻവർഷങ്ങളിൽ ഇത് 1:40 ആയി കുറച്ചു നൽകിയിരുന്നു. 9,10 ക്ലാസുകളിലെ അധ്യാപക തസ്തിക സംരക്ഷിക്കാനാണ് ഇളവു നൽകിയത്. ഇത്തവണയും സമാന പ്രശ്‌നം ചൂണ്ടിക്കാട്ടി അധ്യാപക സംഘടനകൾ രംഗത്തു വന്നിരുന്നു. 

ഈ സാഹചര്യത്തിൽ ഇക്കൊല്ലം കൂടി ഇളവു നൽകാമെന്നു മന്ത്രി വി.ശിവൻകുട്ടി സംഘടനകൾക്ക് ഉറപ്പു നൽകി. എന്നാൽ ധനവകുപ്പ് എതിർത്തു. തുടർച്ചയായി ഇളവു നൽകിയാൽ എയ്ഡഡ് മാനേജ്മെന്റുകൾ അത് ദുരുപയോഗപ്പെടുത്തി അധിക തസ്തികകളിൽ നിയമനം നടത്തുമെന്നായിരുന്നു ധനവകുപ്പിന്റെ വാദം. ഈ അധ്യയന വർഷം അവസാനിക്കാൻ 4 മാസം മാത്രമുള്ള സാഹചര്യത്തിൽ ഇളവു കൊടുക്കാമെന്ന നിലപാടിൽ പൊതു വിദ്യാഭ്യാസ വകുപ്പ് ഉറച്ചു നിന്നതോടെയാണു തീരുമാനം മന്ത്രിസഭയ്ക്കു വിട്ടത്.

English Summary: High school teacher post

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എല്ലാവർക്കും ഇഷ്ടപ്പെടും രുചിയിൽ ചില്ലി മഷ്റും

MORE VIDEOS