മോദി ഡോക്യുമെന്ററി: പാർട്ടി പദവികൾ രാജിവച്ച് അനിൽ ആന്റണി

ന്യൂഡൽഹി ∙ പ്രധാനമന്ത്രി നരേന്ദ്ര മോദിക്കെതിരായ ബിബിസി ഡോക്യുമെന്ററിയെ പിന്തുണയ്ക്കുന്ന കോൺഗ്രസ് നിലപാടു തള്ളിയ അനിൽ ആന്റണി പാർട്ടി പദവികൾ രാജിവച്ചു. പ്രാഥമികാംഗത്വം രാജിവച്ചിട്ടില്ല. മുതിർന്ന നേതാവ് എ.കെ.ആന്റണിയുടെ മകനായ അനിൽ കെപിസിസി ഡിജിറ്റൽ മീഡിയ കൺവീനറും എഐസിസി സോഷ്യൽ മീഡിയ നാഷനൽ കോഓർഡിനേറ്ററുമായിരുന്നു.

ഇന്ത്യയിലുള്ളവർ ഇന്ത്യൻ സ്ഥാപനങ്ങളെക്കാൾ ബിബിസിയുടെ വീക്ഷണത്തിനു മുൻതൂക്കം നൽകുന്നത് അപകടകരമാണെന്ന അനിലിന്റെ ട്വീറ്റാണ് വിവാദമായത്. നിലപാടിൽ ഉറച്ചുനിൽക്കുന്നുവെന്നും താൻ പറഞ്ഞതിനെ വളച്ചൊടിച്ചതിനു പിന്നിൽ ഗൂഢലക്ഷ്യമുണ്ടെന്നും അനിൽ ഇന്നലെ പറഞ്ഞു.

English Summary: KPCC Degital Media Convenor Anil Antony resigns