തിരുവനന്തപുരം ∙ ശ്വാസകോശ അണുബാധയെത്തുടർന്ന് പനി അനുഭവപ്പെട്ട മുൻ മുഖ്യമന്ത്രി ഉമ്മൻ ചാണ്ടിയെ നെയ്യാറ്റിൻകര നിംസ് ആശുപത്രിയിൽ പ്രവേശിപ്പിച്ചു. ആന്റിബയോട്ടിക് ചികിത്സയാണ് ഇപ്പോൾ നൽകുന്നത്. അണുബാധ മാറിയശേഷമായിരിക്കും തുടർചികിത്സ. ആശുപത്രിയിലാകുന്നതിനു മുൻപ് എ.കെ. ആന്റണിയും യുഡിഎഫ് കൺവീനർ എം.എം.ഹസനും ഉമ്മൻ ചാണ്ടിയെ വീട്ടിൽ സന്ദർശിച്ചു. 

ആരോഗ്യസ്ഥിതിയെക്കുറിച്ച് മുഖ്യമന്ത്രി പിണറായി വിജയൻ ഉമ്മൻ ചാണ്ടിയുടെ മകൻ ചാണ്ടി ഉമ്മ‍നോട് ഫോണിൽ വിവരങ്ങൾ അന്വേഷിച്ചു. ആരോഗ്യമന്ത്രി വീണാ ജോർജിനെ ഇന്ന് ആശുപത്രിയിലേക്ക് അയയ്ക്കുമെന്നും മുഖ്യമന്ത്രി പറഞ്ഞു.

ഇതിനു പിന്നാലെ മുഖ്യമന്ത്രിക്കു നന്ദി അറിയിച്ച് ചാണ്ടി ഉമ്മൻ ഫെയ്സ്ബുക് പോസ്റ്റിട്ടു. ‘അപ്പയുടെ സുഖവിവരം അന്വേഷിച്ചു വിളിക്കുകയും ആരോഗ്യമന്ത്രിയെ ആശുപത്രിയിൽ അയയ്ക്കുകയും ചെയ്യുന്ന പ്രിയങ്കരനായ മുഖ്യമന്ത്രി പിണറായി വിജയനു നന്ദി’ എന്നായിരുന്നു പോസ്റ്റ്.

English Summary : Former chief minister Oommen Chandy admitted in hospital