മകനെ ചട്ടുകം കൊണ്ട് പൊള്ളിച്ച സംഭവം: അമ്മ അറസ്റ്റിൽ

കുമളി ∙ അട്ടപ്പള്ളത്ത് 7 വയസ്സുകാരനെ ചട്ടുകം കൊണ്ട് പൊള്ളിച്ച സംഭവത്തിൽ അമ്മയെ പൊലീസ് അറസ്റ്റ് ചെയ്തു. ജുവനൈൽ ജസ്റ്റിസ് ആക്ട് പ്രകാരമാണ് ഇവർക്കെതിരെ കേസെടുത്തിരിക്കുന്നത്.

   കൈകൾക്കും കാലുകൾക്കും പൊള്ളലേറ്റ കുട്ടി ചികിത്സയിലാണ്. ആശുപത്രിയിൽ നിന്നു ഡിസ്ചാർജ് ആയാലുടൻ കുട്ടിയെ ചൈൽഡ് വെൽഫെയർ കമ്മിറ്റിയിൽ ഹാജരാക്കുമെന്നു പൊലീസ് പറഞ്ഞു. 

   അയൽവാസിയുടെ വീട്ടിൽ നിന്നെടുത്തുകൊണ്ടുവന്ന ടയർ കത്തിച്ചതിന്റെ പേരിൽ ക്ഷുഭിതയായ അമ്മ ഞായറാഴ്ചയാണു കുട്ടിയെ ചട്ടുകം കൊണ്ട് പൊള്ളിച്ചത്. അമ്മ മുൻപും പല തവണ ഉപദ്രവിച്ചതായി കുട്ടി മൊഴി കൊടുത്തിട്ടുണ്ട്.

English Summary: mother burned his son with a shovel: Mother arrested