കോട്ടയത്തെ പാസ്പോർട്ട് സേവാ കേന്ദ്രം ഉടൻ പുതിയ കെട്ടിടത്തിലേക്ക്
Mail This Article
ന്യൂഡൽഹി ∙ കോട്ടയം പാസ്പോർട്ട് സേവാ കേന്ദ്രം (പിഎസ്കെ) മറ്റൊരു കെട്ടിടത്തിൽ ഉടൻ പ്രവർത്തനമാരംഭിക്കാൻ നിർദേശം നൽകിയതായി തോമസ് ചാഴികാടൻ എംപിയെ കേന്ദ്ര വിദേശകാര്യ മന്ത്രി എസ്.ജയശങ്കർ അറിയിച്ചു. സേവാ കേന്ദ്രം പ്രവർത്തനം നിർത്തിയതു കോട്ടയത്തെയും സമീപപ്രദേശങ്ങളിലെയും നിവാസികൾക്കു ബുദ്ധിമുട്ടുണ്ടാക്കുന്നതായി ചാഴികാടൻ മുൻപു ലോക്സഭയിൽ ചൂണ്ടിക്കാട്ടിയിരുന്നു. ഇതിനു പിന്നാലെയാണ് അദ്ദേഹം മന്ത്രിയുമായി കൂടിക്കാഴ്ച നടത്തിയത്.
ഫെബ്രുവരി 15നാണു കോട്ടയം നാഗമ്പടത്തെ സേവാ കേന്ദ്രം പ്രവർത്തനം നിർത്തിയത്. കെട്ടിടത്തിനു ബലക്ഷയമുണ്ടെന്നു ചൂണ്ടിക്കാട്ടിയായിരുന്നു നടപടി.
സേവാ കേന്ദ്രത്തിന്റെ പ്രവർത്തനം പുനരാരംഭിക്കുന്നതു സംബന്ധിച്ച് ചീഫ് പാസ്പോർട്ട് ഓഫിസർ നടപടി സ്വീകരിക്കുന്നുണ്ടെന്നു മന്ത്രി അറിയിച്ചു.
English Summary: Kottayam passport seva kendra