കെ.കെ.രമയുടെ വലതുകയ്യിലെ ലിഗമെന്റിൽ രണ്ടിടത്തു ക്ഷതം

തിരുവനന്തപുരം ∙ നിയമസഭയിൽ പ്രതിപക്ഷം സ്പീക്കറുടെ ഓഫിസിനു മുന്നിൽ പ്രതിഷേധിച്ചപ്പോൾ ഉണ്ടായ സംഘർഷത്തിൽ കെ.കെ.രമ എംഎൽഎയുടെ വലതുകയ്യിലെ ലിഗമെന്റിൽ രണ്ടിടത്തു ക്ഷതമേറ്റെന്നു കണ്ടെത്തൽ.

ഇന്നലെ എംആർഐ സ്കാൻ എടുത്തപ്പോഴാണ് ഇതു വ്യക്തമായത്. സ്കാൻ റിപ്പോർട്ട് പരിശോധിച്ച ജനറൽ ആശുപത്രിയിലെ ഡോക്ടർമാർ പ്ലാസ്റ്റർ നീക്കം ചെയ്തു. നീരും വേദനയും ഉള്ളതിനാൽ വീണ്ടും പ്ലാസ്റ്റർ ഇട്ടു. പ്ലാസ്റ്റർ 8 ആഴ്ച തുടരണം. അപ്പോഴും നീരും വേദനയും ഉണ്ടെങ്കിൽ ശസ്ത്രക്രിയ വേണ്ടിവരും. ജനറൽ ആശുപത്രിയിലെ ഡോക്ടർമാരുടെ നിർദേശപ്രകാരം ഇന്നലെ രമ മെഡിക്കൽ കോളജ് ആശുപത്രിയിലെ സർജനെയും കണ്ടു.

English Summary: Doctors' guided K.K.Rema to continue treatment: says K.K.Rema's office