ന്യൂഡൽഹി ∙ പി.സി.വിഷ്ണുനാഥിനെ തെലങ്കാനയുടെ ചുമതലയുള്ള എഐസിസി സെക്രട്ടറിയായി കോൺഗ്രസ് ദേശീയ നേതൃത്വം നിയമിച്ചു. കർണാടകയുടെ ചുമതലയുണ്ടായിരുന്ന അദ്ദേഹം അവിടെ തിരഞ്ഞെടുപ്പ് പ്രവർത്തനങ്ങളിൽ സജീവ പങ്ക് വഹിച്ചിരുന്നു.
കർണാടകയിലെ വിജയത്തിനു പിന്നാലെയാണ് ഈ വർഷം തിരഞ്ഞെടുപ്പ് നടക്കാനിരിക്കുന്ന തെലങ്കാന ദൗത്യത്തിലും ഹൈക്കമാൻഡ് വിഷ്ണുനാഥിനെ ഉൾപ്പെടുത്തിയത്. വിവിധ പിസിസികളുടെ പ്രസിഡന്റുമാരായി ശക്തിസിങ് ഗോഹിൽ (ഗുജറാത്ത്), വി.വൈത്തിലിംഗം (പുതുച്ചേരി), വർഷ ഗെയ്ക‍്‍വാദ് (മുംബൈ) എന്നിവരെ നിയമിച്ചു. ഡൽഹി, ഹരിയാന എന്നിവയുടെ ചുമതലയുള്ള എഐസിസി ഭാരവാഹിയായി ദീപക് ബാബറിയയെ നിയമിച്ചു.
English Summary : Congress national leadership appointed PC Vishnunadh as AICC secretary in charge of Telangana
