മൂന്നാർ ∙ ഭാര്യയുടെ സ്വർണവുമായി മുങ്ങിയ യുവാവിനെ 3 വർഷത്തിനുശേഷം പിടികൂടി. 30 പവൻ സ്വർണവുമായി മുങ്ങിയെന്ന ഭാര്യയുടെ പരാതിയിലാണ് പത്തനംതിട്ട കവിയൂർ ശോഭാലയത്തിൽ പ്രശോഭ് പ്രസന്നൻ (34) പിടിയിലായത്. ഐടി മേഖലയിൽ ജോലി ചെയ്തിരുന്ന ഇയാൾ വിവാഹശേഷം ഭാര്യയുമായി മാങ്കുളത്ത് വാടകവീട്ടിലായിരുന്നു താമസം. 3 വർഷം മുൻപ് ഇയാളെ കാണാതായി. ഭാര്യയുടെ സ്വർണവുമായാണ് ഇയാൾ മുങ്ങിയതെന്നു പൊലീസ് പറഞ്ഞു. 

English Summary : Youth ran away with his wife's gold was arrested after three years