തിരുവനന്തപുരം∙ ജില്ലകളിലെ പുനഃസംഘടനാ സമിതികൾ ഉഴപ്പിയതോടെ മണ്ഡലം കമ്മിറ്റി പുനഃസംഘടനയിൽ ‘അവസാനത്തെ’ അന്ത്യശാസനവും നടപ്പാക്കാനാകാതെ കെപിസിസി. ഇന്നലേക്കകം മണ്ഡലം പ്രസിഡന്റുമാരുടെ പട്ടിക അയയ്ക്കണമെന്നാണു കഴിഞ്ഞ കെപിസിസി ഭാരവാഹിയോഗത്തിൽ പ്രസിഡന്റ് കെ.സുധാകരൻ കർശന നിർദേശം നൽകിയതെങ്കിലും പല ജില്ലകളിലും ഇന്നും നാളെയുമൊക്കെ പുനഃസംഘടനാ സമിതികൾ ചേരാനിരിക്കുന്നതേയുള്ളൂ. ഈയാഴ്ച തന്നെ നൽകാമെന്നു പല ജില്ലകളിൽനിന്നും ഉറപ്പു ലഭിച്ചതിനാൽ കടുത്ത നടപടികളിലേക്കു പോകേണ്ടതില്ലെന്നാണു കെപിസിസി നേതൃത്വത്തിന്റെ തീരുമാനം.

ജില്ലാ സമിതികൾക്കു വേണ്ടി ഇനിയും കാത്തിരിക്കാതെ പട്ടിക പ്രഖ്യാപിക്കണമെന്ന്, കെ.സുധാകരനോട് ഒപ്പം നിൽക്കുന്നവർ ഉപദേശിക്കുന്നുണ്ടെങ്കിലും അദ്ദേഹം തയാറല്ല. 

English Summary : Constituency reorganization in KPCC