ഷാഫി പറമ്പിലിന്റെ ‘ദൃ‍ഢപ്രതിജ്ഞ’ എന്തുകൊണ്ടെന്ന് എ.കെ.ബാലൻ

തിരുവനന്തപുരം∙ ഷാഫി പറമ്പിൽ എംപി ലോക്സഭാംഗമായി ‘ദൃ‍ഢപ്രതിജ്ഞ’ എടുത്തത് എന്തുകൊണ്ടെന്നു പൊതുസമൂഹത്തോടു വ്യക്തമാക്കണമെന്നു സിപിഎം കേന്ദ്ര കമ്മിറ്റി അംഗം എ.കെ.ബാലൻ. സത്യപ്രതിജ്ഞ ചെയ്ത 99 കോൺഗ്രസ് എംപിമാരിൽ ഷാഫി ഒഴികെ മറ്റെല്ലാവരും ദൈവനാമത്തിലാണു പ്രതിജ്ഞയെടുത്തത്.

നിയമസഭയിലെ രേഖകൾ പ്രകാരം 2 പ്രാവശ്യം ദൈവനാമത്തിലാണു ഷാഫി സത്യപ്രതിജ്ഞ ചെയ്തത്. ദൃഢപ്രതിജ്ഞ എടുത്തതിനെ സ്വാഗതം ചെയ്യുന്നെന്നും അതേസമയം, ബിജെപി ഭരണത്തിനു കീഴിൽ ന്യൂനപക്ഷങ്ങളിൽപെട്ട ചിലർ ആർഎസ്എസിന്റെ വക്കാലത്തു പിടിക്കാൻ നിർബന്ധിക്കപ്പെടുന്ന കാലമാണിതെന്നും ബാലൻ അഭിപ്രായപ്പെട്ടു.