തിരുവനന്തപുരം മെഡിക്കൽ കോളജ് ആശുപത്രി: 52 വെന്റിലേറ്ററുകൾ ‘അത്യാസന്ന നിലയിൽ’

തിരുവനന്തപുരം ∙ മെഡിക്കൽ കോളജ് ആശുപത്രിയിൽ ജീവൻരക്ഷാ ഉപകരണമായ വെന്റിലേറ്ററുകൾ തകരാറിൽ. ആകെയുള്ള 171 വെന്റിലേറ്ററുകളിൽ 52 വെന്റിലേറ്ററുകൾ പ്രവർത്തിക്കുന്നില്ല. ഇതിൽ 38 എണ്ണം പൂർണമായും പ്രവർത്തനരഹിതമായി. 14 എണ്ണം അറ്റകുറ്റപ്പണിയിലാണ്. പ്രവർത്തിക്കുന്നവ 119 എണ്ണം മാത്രം. വെന്റിലേറ്ററുകളുടെ കേടുപാടുകൾ പരിഹരിക്കാൻ 2023– 24 ൽ ഏകദേശം 20 ലക്ഷം രൂപയാണ് ചെലവഴിച്ചത്.  

വെന്റിലേറ്ററുകളെല്ലാം കൃത്യമായി പ്രവർത്തിക്കുന്നുണ്ടെന്നായിരുന്നു ആശുപത്രി അധികൃതരുടെ അവകാശവാദം. അത്യാസന്നനിലയിലുള്ള രോഗികളുടെ ജീവൻ നിലനിർത്താനും അവരെ ജീവിതത്തിലേക്ക് മടക്കിക്കൊണ്ടുവരാനും അനിവാര്യമായ ഉപകരണങ്ങളാണ് തകരാറിലായത്.