ഒരിടത്തും മഴ ‘അലർട്ട്’ ഇല്ല; ഒറ്റപ്പെട്ട ഇടങ്ങളിൽ മഴസാധ്യത

തിരുവനന്തപുരം∙ കാലവർഷം ദുർബലമാണെങ്കിലും ഇന്നു കേരളത്തിലും ലക്ഷദ്വീപിലും ഒറ്റപ്പെട്ട സ്ഥലങ്ങളിൽ ഇടിമിന്നലോടു കൂടിയ മഴയ്ക്കു സാധ്യതയുണ്ടെന്നു കാലാവസ്ഥ വകുപ്പ് അറിയിച്ചു. മലബാർ തീരത്ത് ഉയർന്ന തിരമാലകൾക്കും സാധ്യതയുണ്ട്. ഇന്ന് ഒരു ജില്ലകളിലും ‘അലർട്ട്’ ഇല്ല. 

വയനാട് ദുരന്തത്തിനു ശേഷം സംസ്ഥാനത്ത് അലർട്ട് ഇല്ലാത്ത ദിനം. ശക്തമായ മഴയ്ക്കുള്ള സാധ്യത കുറവാണെങ്കിലും സാധാരണ/ ഇടത്തരം മഴ വരും ദിവസങ്ങളിലും തുടരും. മലയോര മേഖലയിൽ ഇടിമിന്നലോടു കൂടിയ മഴസാധ്യത കൂടുതൽ. 14 മുതൽ വീണ്ടും ശക്തമായ മഴ ലഭിക്കുമെന്നു കാലാവസ്ഥ വകുപ്പ് അറിയിച്ചു.