നേരത്തേ ശമ്പളം: ട്രഷറി ഉദ്യോഗസ്ഥർക്ക് സ്ഥലംമാറ്റം

തിരുവനന്തപുരം ∙ മന്ത്രിമാർക്കും അവരുടെ പഴ്സനൽ സ്റ്റാഫിനും 5 ദിവസം മുൻപ് ശമ്പളം വിതരണം ചെയ്തതിന് സെക്രട്ടേറിയറ്റ് സബ് ട്രഷറിയിലെ ട്രഷറി ഓഫിസർക്കു സ്ഥലംമാറ്റം. പൊതുഭരണവകുപ്പിൽ നിന്നെത്തിയ, മന്ത്രിമാരുടെയും പഴ്സനൽ സ്റ്റാഫിന്റെയും കഴിഞ്ഞ മാസത്തെ ശമ്പള ബിൽ കഴിഞ്ഞ 26നാണ് പാസാക്കി ശമ്പളം വിതരണം ചെയ്തത്. അശ്രദ്ധ കാരണമാണ് 5 ദിവസം മുൻപ് പലർക്കും ശമ്പളം ലഭിക്കാനിടയായത്.  അന്വേഷണം പൂർത്തിയാകുന്നതുവരെ എ.ഷഫീഖ്, ടി.മധു, എസ്.സുധീർ എന്നീ സബ് ട്രഷറി ഓഫിസർമാരെയാണു സ്ഥലംമാറ്റിയത്.