സ്വപ്നത്തിന്റെ നെറുകയിൽ; ആഫ്രിക്കയിലെ കിളിമഞ്ചാരോ കൊടുമുടി താണ്ടി സീന

പത്തനംതിട്ട ∙ ഏഴു ഭൂഖണ്ഡങ്ങളിലെയും ഉയരം കൂടിയ കൊടുമുടികൾ കീഴടക്കുന്ന സെവൻ സമ്മിറ്റിൽ പങ്കെടുക്കണമെന്ന സ്വപ്നത്തിലേക്ക് തിരുവല്ല സ്വദേശി സീന സാറാ മജ്നു ആദ്യചുവടുവച്ചുകഴിഞ്ഞു. കഴിഞ്ഞ ഒക്ടോബർ 12ന് രാവിലെ 9.15ന് സീന 19,341 അടി ഉയരത്തിൽ, ആഫ്രിക്കയിലെ കിളിമഞ്ചാരോയുടെ നെറുകയിലെത്തി. 6 ദിവസം കൊണ്ടാണ് ലക്ഷ്യം നേടിയത്. മൈനസ് 20–25 വരെയാണു താപനില. യാത്രയ്ക്കു സഹായിക്കുന്ന ഏജൻസി പ്രതിനിധികളായി ഗൈഡ്, പോർട്ടർ, കുക്ക്, സാധനങ്ങൾ ചുമക്കാൻ ഒരാൾ. ഇങ്ങനെ 4 പേരാണ് ഒപ്പമുണ്ടായിരുന്നത്. ടെന്റ് അടിച്ച് അവിടെ ഭക്ഷണം പാകം ചെയ്തു കഴിച്ചും ഉറങ്ങിയുമായിരുന്നു യാത്ര.