സിപിഐക്കാർക്കു മദ്യപിക്കാമോ? വീട്ടിൽ വച്ചായിക്കോളൂവെന്ന് ബിനോയ് വിശ്വം

തിരുവനന്തപുരം ∙ സിപിഐക്കാർക്കു മദ്യപിക്കണമെങ്കിൽ വീട്ടിൽ വച്ചായിക്കോളാൻ സംസ്ഥാന സെക്രട്ടറി ബിനോയ് വിശ്വം. റോഡിലിറങ്ങി ബഹളമുണ്ടാക്കി പാർട്ടിക്കു നാണക്കേട് ഉണ്ടാക്കരുത്. സിപിഐയുടെ പുതുക്കിയ പെരുമാറ്റച്ചട്ടത്തിൽ മദ്യപാനശീലം സംബന്ധിച്ച ഭാഗം പല വ്യാഖ്യാനങ്ങൾ സൃഷ്ടിച്ച സാഹചര്യത്തിലാണ് പാർട്ടി സെക്രട്ടറിയുടെ വിശദീകരണം.

മാധ്യമങ്ങൾ ചോദിച്ചപ്പോൾ പെരുമാറ്റച്ചട്ടത്തിലെ പ്രസക്തഭാഗം ബിനോയ് വിശ്വം വായിച്ചു. ശേഷം കൂട്ടിച്ചേർത്തു.‘കമ്യൂണിസ്റ്റുകാർ കള്ളു കുടിക്കാൻ വേണ്ടി ചീത്ത കമ്പനിയിൽ പെടാൻ പാടില്ല. പ്രമാണിമാരുടെയും കള്ളന്മാരുടെയും കയ്യിൽ നിന്നു പണം വാങ്ങി കുടിക്കാൻ പാടില്ല.’