മോഹൻ ഭാഗവത് കൊച്ചിയിൽ

കൊച്ചി∙ ആർഎസ്എസ് ദക്ഷിണ പ്രാന്ത സംഘടനാ പരിപാടികൾക്കായി സർസംഘചാലക് മോഹൻ ഭാഗവത് കൊച്ചിയിലെത്തി. ഉദയംപേരൂർ പഞ്ചായത്തിലെ നടക്കാവ് ആമേട മനയിലെത്തിയ അദ്ദേഹത്തെ ആർഎസ്എസ് എറണാകുളം വിഭാഗ് സംഘചാലക് കൂടിയായ എം.എ.വാസുദേവൻ നമ്പൂതിരി പൊന്നാട അണിയിച്ചു. ദക്ഷിണ പ്രാന്തത്തിലെ വിവിധ തലത്തിലുള്ള സംഘടനാ പരിപാടികളിലും ഭാരവാഹിയോഗങ്ങളിലും 20വരെ അദ്ദേഹം പങ്കെടുക്കും. 19നു വിദ്യാർഥി പ്രവർത്തകരുടെ ഒരു ദിവസത്തെ ബൈഠക് കോലഞ്ചേരി വടയമ്പാടി പരമഭട്ടാര കേന്ദ്ര വിദ്യാലയത്തിൽ നടക്കും. തുടർന്ന് അവിടെ വിദ്യാർഥിപ്രവർത്തകരുടെ സാംഘിക്കിലും മോഹൻ ഭാഗവത് പങ്കെടുക്കും. 21നു രാവിലെ മടങ്ങും.