ADVERTISEMENT

ന്യൂഡൽഹി ∙ സംഘടനാ തിരഞ്ഞെടുപ്പു പുരോഗമിക്കെ, കേരളത്തിലുൾപ്പെടെ പുതിയ സംസ്ഥാന പ്രസിഡന്റുമാരിൽ 3 മുതൽ 5 വരെ വനിതകളെ ഉൾപ്പെടുത്താൻ ബിജെപി ദേശീയ നേതൃത്വത്തിൽ ആലോചന. പാർലമെന്റിലും നിയമസഭകളിലും വനിതകൾക്കു 33% സംവരണം നടപ്പാകും മുൻപ് 5 സംസ്ഥാനങ്ങളിൽ വനിതാ പ്രസിഡന്റുമാരെ നിയോഗിക്കുന്നതു വലിയ നേട്ടമാകുമെന്നും ബിജെപി കണക്കുകൂട്ടുന്നു. 

കേരളത്തിൽ പുതിയ ജില്ലാ പ്രസിഡന്റുമാരിൽ 3 പേർ സ്ത്രീകളാവും. മഹിളാ മോർച്ച സംസ്ഥാന പ്രസിഡന്റ് നിവേദിത (തൃശൂർ), മലപ്പുറം ജില്ലാ പ്രസിഡന്റ് ദീപ പുഴക്കൽ (മലപ്പുറം), ബിജെപി സംസ്ഥാന സെക്രട്ടറി രാജി പ്രസാദ് (കൊല്ലം) എന്നിവരാണു പട്ടികയിലുള്ളത്. കേരളത്തിലെ മണ്ഡലം പ്രസിഡന്റുമാരിലും വനിതാ പ്രാതിനിധ്യത്തിൽ വർധനയുണ്ടായിട്ടുണ്ട്. സംസ്ഥാനത്തു 14 ജില്ലകൾക്കു പകരം ഇത്തവണ സംഘടനാതലത്തിൽ 30 ജില്ലകളാക്കിയിട്ടുണ്ട്. മധ്യപ്രദേശിൽ, 62 സംഘടനാ ജില്ലകളിൽ 7–8 പ്രസിഡന്റുമാർ വനിതകളാകും. ബിഹാറിൽ 2 ജില്ലാ പ്രസിഡന്റുമാരെ നിയോഗിച്ചു. 

English Summary:

BJP increases women's representation: The BJP is appointing several women as state presidents across India, including three in Kerala

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com