കുടിവെള്ളവും കൃഷിയും ഇല്ലാതാക്കുന്ന വികസനം ഒരു നാടും ആഗ്രഹിക്കില്ല: മേധാ പട്കർ

എലപ്പുള്ളി (പാലക്കാട്) ∙ കുടിവെള്ളവും കൃഷിയും മുട്ടിച്ചുള്ള വികസനം ഒരു നാടും ആഗ്രഹിക്കില്ലെന്നും ഇടതു സർക്കാർ എലപ്പുള്ളിയിലെ മദ്യനിർമാണ ശാലയ്ക്കു നൽകിയ അനുമതി പിൻവലിക്കണമെന്നും പദ്ധതിയിൽ നിന്നു പിൻമാറണമെന്നും പരിസ്ഥിതി പ്രവർത്തക മേധാ പട്കർ. എലപ്പുള്ളി മണ്ണുക്കാട് സർക്കാർ അനുമതി ലഭിച്ച മദ്യനിർമാണശാലയ്ക്കെതിരെ ബ്രൂവറി വിരുദ്ധ സമരസമിതിയും നാട്ടുകാരും ചേർന്നു നടത്തുന്ന സമരത്തിൽ പങ്കെടുക്കാനെത്തിയതായിരുന്നു അവർ. 

‘ലഹരി മുക്ത ഭാരതം’ എന്ന സന്ദേശത്തിൽ രാജ്യത്തൊട്ടാകെ താൻ നടത്തുന്ന ലഹരി വിരുദ്ധ പോരാട്ടങ്ങൾ കേരളത്തിലേക്കും വ്യാപിപ്പിക്കുമെന്നും ഇതിന്റെ കൂടി ഭാഗമായിട്ടാണ് എലപ്പുള്ളിയിലെത്തിയതെന്നും മേധാ പട്കർ പറഞ്ഞു.