‘മണിമുറ്റത്താവണിപ്പന്തൽ’ പാടിയാൽ പോരാ: ആശമാരോട് മന്ത്രി ബിന്ദു

കാസർകോട് ∙ കേന്ദ്രമന്ത്രിക്കു മുന്നിൽ ‘മണിമുറ്റത്താവണിപ്പന്തൽ’ പാട്ടുപാടിയാൽ പോരാ, ആവശ്യങ്ങൾ പറയാനുള്ള നട്ടെല്ല് ആശാ സമരക്കാർ കാണിക്കണമെന്ന് മന്ത്രി ആർ.ബിന്ദു. കേന്ദ്രപദ്ധതിക്കു കീഴിലുള്ള ആശാ പ്രവർത്തകരുടെ സമരപ്പന്തലിലെത്തിയ കേന്ദ്രമന്ത്രിയോട് എന്തുകൊണ്ടാണ് ആവശ്യങ്ങൾ പറയാതിരുന്നതെന്നു മന്ത്രി ചോദിച്ചു. കേന്ദ്രസർക്കാരിനോടു പറയാൻ സമരക്കാർക്ക് ഒന്നുമില്ല.

ആശാ വർക്കർമാരോടു സംസ്ഥാന സർക്കാരിനു അനുഭാവപൂർണമായ സമീപനമുണ്ടെന്നു മനസ്സിലാക്കിയിട്ടും സമരം ചെയ്യുകയാണ്. ആദ്യം എസ്‍യുസിഐ ആയിരുന്നു നേതൃത്വത്തിലെങ്കിലും ഇപ്പോൾ ബിഎംഎസാണ് സമരത്തിനു നോട്ടിസ് നൽകിയതെന്നും മന്ത്രി പറഞ്ഞു