നിലമ്പൂർ: അതിവേഗം സ്ഥാനാർഥി പ്രഖ്യാപനത്തിന് കോൺഗ്രസ്

തിരുവനന്തപുരം∙ നിലമ്പൂർ നിയമസഭാ മണ്ഡലം ഉപതിരഞ്ഞെടുപ്പിനുള്ള സ്ഥാനാർഥിയെ തിരഞ്ഞെടുപ്പ് പ്രഖ്യാപനത്തിന്റെ അന്നുതന്നെ രംഗത്തിറക്കാനുള്ള ഒരുക്കങ്ങളുമായി കോൺഗ്രസ്. അതിവേഗം സ്ഥാനാർഥിയെ പ്രഖ്യാപിക്കുകയെന്ന തൃക്കാക്കര, പുതുപ്പള്ളി, പാലക്കാട് ഉപതിരഞ്ഞെടുപ്പുകളിലെ രീതി നിലമ്പൂരിലും തുടരാനാണു തീരുമാനം. ആദ്യം സ്ഥാനാർഥിയെ പ്രഖ്യാപിക്കുന്നതിലൂടെ തിരഞ്ഞെടുപ്പ് കളത്തിൽ ലഭിക്കുന്ന മുൻതൂക്കം ഗുണം ചെയ്യുമെന്നാണു വിലയിരുത്തൽ.

ആര്യാടൻ ഷൗക്കത്ത്, വി.എസ്.ജോയ് എന്നിവർ മാത്രമാണു പരിഗണനയിലുള്ളത്. തദ്ദേശ, നിയമസഭാ തിരഞ്ഞെടുപ്പുകൾ നടക്കാനിരിക്കെ, സംസ്ഥാനത്തെ രാഷ്ട്രീയക്കളത്തിൽ മേൽക്കൈ നേടാൻ നിലമ്പൂരിലെ ജയം കോൺഗ്രസിന് അനിവാര്യമാണ്.