സർക്കാർ വാർഷികം: പരസ്യ ബോർഡിന് മാത്രം 20.71 കോടി
Mail This Article
×
തിരുവനന്തപുരം ∙ സംസ്ഥാന സർക്കാർ സാമ്പത്തിക പ്രതിസന്ധിയിൽ നട്ടം തിരിയുന്നതിനിടെ, സർക്കാരിന്റെ നാലാം വാർഷിക ആഘോഷങ്ങളുടെ പരസ്യ ബോർഡുകൾക്കായി 20.71 കോടി രൂപ അനുവദിച്ച് ഉത്തരവ്. പിആർഡിക്ക് ഈ ഇനത്തിൽ ബജറ്റിൽ വകയിരുത്തിയിട്ടുള്ള 4 കോടിക്കു പുറമേയാണ് 16.71 കോടി രൂപ കൂടി അനുവദിച്ചത്. വാർഷികത്തിന്റെ പരസ്യ പ്രചാരണത്തിനു മാത്രമാണ് ഇത്രയും ഭീമമായ തുക.
500 കൂറ്റൻ പരസ്യ ബോർഡുകൾക്ക് (ഹോർഡിങ്) 15.63 കോടി രൂപയും ഇവയുടെ ഡിസൈന് 10 ലക്ഷം രൂപയുമാണ് വകയിരുത്തിയിരിക്കുന്നത്. പിആർ‍‍ഡിയുടെ 35 ഹോർഡിങ്ങുകളുടെ അറ്റകുറ്റപ്പണിക്കും ഇൻഷുറൻസിനുമായി 68 ലക്ഷം രൂപയും അനുവദിച്ചു. എൽഇഡി വാളുകൾക്കും എൽഇഡി സ്ക്രീനുകൾ ഉപയോഗിച്ചുള്ള വാഹന പ്രചാരണ ജാഥയ്ക്കുമായി 3.3 കോടിയും കെഎസ്ആർടിസി ബസ് –റെയിൽവേ പരസ്യങ്ങൾക്കായി ഒരു കോടിയുമാണ് വകയിരുത്തിയിരിക്കുന്നത്.
English Summary:
Kerala Government: Government Anniversary spending reaches ₹20.71 crore on advertising. This substantial allocation for billboards, LED screens, and other publicity materials raises concerns given the state's financial difficulties.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.