ജയതിലകിന് എതിരെ രേഖകൾ ഹാജരാക്കാൻ പ്രശാന്ത്

തിരുവനന്തപുരം ∙ ചീഫ് സെക്രട്ടറിയുമായി ഇന്നു നടക്കുന്ന കൂടിക്കാഴ്ചയിൽ അഡീഷനൽ ചീഫ് സെക്രട്ടറി എ.ജയതിലകിനെ ഉന്നമിട്ടുള്ള രേഖകൾ ഹാജരാക്കാൻ എൻ.പ്രശാന്ത്. സസ്പെൻഷനുമായി ബന്ധപ്പെട്ടു പ്രശാന്തിനു പറയാനുള്ള കാര്യങ്ങൾ കേൾക്കാൻ ഇന്ന് 4.30നാണ് ചീഫ് സെക്രട്ടറി ശാരദ  മുരളീധരൻ ചേംബറിൽ കൂടിക്കാഴ്ച നിശ്ചയിച്ചിരിക്കുന്നത്.

ജയതിലകിനെ അവഹേളിച്ചുള്ള കുറിപ്പുകൾ സമൂഹമാധ്യമത്തിൽ പങ്കുവച്ചതിനു നടപടി നേരിട്ട പ്രശാന്തിന്റെ വാദങ്ങൾ കേട്ടശേഷം സസ്പെൻഷന്റെ കാര്യത്തിൽ സർക്കാർ അന്തിമതീരുമാനമെടുക്കും.