ക്ഷേമപെൻഷൻ: ഒരു മാസത്തെ കുടിശിക ഉൾപ്പെടെ അടുത്തമാസം

തിരുവനന്തപുരം ∙ അടുത്ത മാസത്തെ ക്ഷേമപെൻഷനൊപ്പം ഒരു മാസത്തെ കുടിശിക കൂടി അനുവദിക്കാൻ സർക്കാർ തീരുമാനിച്ചു. ഉടൻ പ്രഖ്യാപിക്കാനിടയുള്ള നിലമ്പൂർ ഉപതിരഞ്ഞെടുപ്പിന്റെ പെരുമാറ്റച്ചട്ടത്തിൽ കുടുങ്ങാതിരിക്കാനാണ് നേരത്തേയുള്ള ഇൗ സർക്കാർ അറിയിപ്പ്. ഇൗ മാസത്തെ പെൻഷൻ വിഷുവിനു മുൻപ് വിതരണം ചെയ്തിരുന്നു. കുടിശികയുള്ള 3 ഗഡുക്കളിൽ ഒരു ഗഡുവാണ് അടുത്തമാസത്തെ പെൻഷനൊപ്പം നൽകുക. 3,200 രൂപ വീതം ലഭിക്കും. അടുത്തമാസം 25ന് വിതരണം തുടങ്ങാനാണു സാധ്യത.