ഐസക്കിന്റെ നിയമനം ഇല്ലാത്ത വകുപ്പിലെന്ന് അമിക്കസ് ക്യൂറി

കൊച്ചി∙ വിജ്ഞാന കേരള പദ്ധതിയുടെ ഉപദേശകനായി മുൻ മന്ത്രി ടി.എം.തോമസ് ഐസക്കിനെ നിയമിച്ചത് ഇല്ലാത്ത വകുപ്പിലാണെന്ന് ഹൈക്കോടതിയിൽ അമിക്കസ് ക്യൂറിയുടെ റിപ്പോർട്ട്. തുടർന്ന് കേരള ഡവലപ്മെന്റ് ആൻഡ് ഇന്നവേഷൻ സ്ട്രാറ്റജിക് കൗൺസിൽ, തോമസ് ഐസക് എന്നിവരോടു മറുപടി നൽകാൻ ചീഫ് ജസ്റ്റിസ് നിതിൻ ജാംദാർ, ജസ്റ്റിസ് എസ്.മനു എന്നിവരുൾപ്പെട്ട ഡിവിഷൻ ബെഞ്ച് നിർദേശം നൽകി.

പൊതു ഖജനാവിന് മാസം ഒരു ലക്ഷം രൂപയോളം ബാധ്യതയാകുന്ന നിയമനം റദ്ദാക്കണമെന്ന് ഉൾപ്പെടെ ആവശ്യങ്ങളുമായി തിരുവനന്തപുരം സ്വദേശി എ.നവാസ് (പായിച്ചിറ നവാസ്) നൽകിയ പൊതുതാൽപര്യ ഹർജിയിലാണ് അമിക്കസ് ക്യൂറി അഞ്ജലി മേനോൻ റിപ്പോർട്ട് നൽകിയത്.