Manoramaonline.com no longer supports Internet Explorer 8 or earlier. Please upgrade your browser.  Learn more »

കാത്തിരിപ്പിനൊടുവിൽ ഗൂഗിള്‍ എത്തി ‘പിക്സൽ പോരാളികളുമായി’

pixel

ലണ്ടൻ∙‌‌‌‌‌‌‌ കാത്തിരിപ്പുകൾക്കൊടുവിൽ ടെക്നോപ്രേമികൾക്കു മുന്നിലേക്ക് പുതിയ സ്മാർട്ഫോണുകളുമായി ഗൂഗിൾ. പലപ്പോഴായി പുറത്തായ വിവരങ്ങളെയെല്ലാം ശരിവയ്ക്കും വിധമുള്ള ഫീച്ചറുകളുമായാണ് ഗൂഗിൾ പിക്സൽ 2, പിക്സൽ 2 എക്സ്എൽ എന്നിവയുടെ വരവ്. ആപ്പിൾ ഐഫോൺ, സാംസങ് ഗാലക്സി മുൻനിര പോരാട്ടത്തിലേക്കാണ് ഗൂഗിൾ തങ്ങളുടെ പിക്സൽ പോരാളികളുമായിറങ്ങുന്നത്. 

∙ ഡിസ്പ്ലേ സൈസിലും ബാറ്ററി കപ്പാസിറ്റിയിലുമാണ് രണ്ട് ഫോണുകളും തമ്മില്‍ പ്രധാന വ്യത്യാസം. പിക്സലിന് അഞ്ച് ഇഞ്ച് സിനിമാറ്റിക് 127 എംഎം ഫുൾ എച്ച്ഡി ഡിസ്പ്ലേയാണ്. പിക്സൽ 2 എക്സ്‌എല്ലിന് ആറ് ഇഞ്ച് ക്യുഎച്ച്ഡി പി–ഒഎൽഇഡി ഡിസ്പ്ലേയും. 

∙ ആൻഡ്രോയ്ഡ് 8.0.0 ഓറിയോ ഒഎസ് അടിസ്ഥാനമാക്കിയാണു പ്രവർത്തനം. 

∙ പിക്സൽ 2വിന് 2700 എംഎഎച്ച് ബാറ്ററി, പിക്സൽ 2 എക്സ്എല്ലിന് 3520 എംഎഎച്ച്. 

∙ രണ്ട് ഫോണിനും പിൻക്യാമറ 12.2 മെഗാപിക്സൽ. മുൻക്യാമറ എട്ടു മെഗാപിക്സൽ.

∙ 4 ജിബി റാം; 64 ജിബി, 128 ജിബി വേരിയന്റുകളുണ്ട്.

∙ മുൻ പിക്സൽ, പിക്സൽ എക്സ്എൽ ഫോണുകളിൽ നിന്നുമാറി ഇത്തവണ ഫോണുകളിൽ 3.55 എംഎം ഹെഡ്ഫോൺ ജാക്ക് ഉണ്ടാകില്ല. പകരം ചാർജിങ്ങിനും മ്യൂസിക് ആസ്വദിക്കാനും യുഎസ്ബി ടൈപ്–സി പോർട്. 

∙ പിക്സൽ 2വിന്റെ ഇന്ത്യയിലെ വില: 61,000 രൂപ (64 ജിബി), 70,000രൂപ (128 ജിബി)

∙ പിക്സൽ 2 എക്സ്എൽ ഇന്ത്യയിലെ വില: 73,000 രൂപ (64 ജിബി), 82,000 രൂപ(128 ജിബി)

ഇ കൊമേഴ്സ് പോർട്ടലായ ഫ്ലിപ്കാർട് കൂടാതെ ആയിരത്തിലേറെ സ്റ്റോറുകൾ വഴി നേരിട്ടും ഫോണുകൾ വിൽക്കും. പിക്സൽ 2 നവംബർ ഒന്നു മുതലും പിക്സൽ 2 എക്സ്എൽ നവംബർ 15 മുതലും വിതരണം ആരംഭിക്കും.

Read More : ഗൂഗിളിന്റേത് ‘അദ്ഭുത ഫോൺ’; ഐഫോൺ Xനെ കീഴടക്കും

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.