ഹാസനു സമീപം ശാന്തിഗരെയിൽ നിയന്ത്രണം വിട്ടു മറിഞ്ഞ ബസ്.
ഹാസൻ∙ ബെംഗളൂരു - മംഗളൂരു ദേശീയപാത 75ൽ ബസ് മറിഞ്ഞു എട്ടു പേർ മരിച്ചു. ബെംഗളൂരുവിൽനിന്നു ധർമസ്ഥലയിലേക്കു വരികയായിരുന്ന കർണാടക കെഎസ്‌ആർടിസിയുടെ ഐരാവത് വോൾവോ ബസാണു മറിഞ്ഞത്. ഡ്രൈവർ ലക്ഷ്മണ (38), കണ്ടക്ടർ ശിവപ്പ (36), മെഡിക്കൽ വിദ്യാർഥിനി ഡയാന (20), ബെംഗളൂരു സ്വദേശി ഗംഗാധർ(58) എന്നിവരടക്കം എട്ട് പേർ മരിച്ചു. 10 പേർക്ക് സാരമായി പരുക്കേറ്റു. ഇന്നു പുലർച്ചെ 3.30ന് ഹാസനു സമീപം ശാന്തിഗരെയിൽ ബസ് നിയന്ത്രണം വിട്ടു മറിഞ്ഞാണ് അപകടം.
×
