ക്രൈസ്റ്റ്ചർച്ച്∙ അണ്ടർ 19 ലോകകപ്പിലെ മൂന്നാം ക്വാർട്ടർ പോരാട്ടത്തിൽ കൂറ്റൻ ജയവുമായി കുഞ്ഞൻമാരായ അഫ്ഗാനിസ്ഥാൻ സെമിയിൽ കടന്നു. ആതിഥേയരായ ന്യൂസീലൻഡിനെ 202 റൺസിന് തകർത്താണ് അഫ്ഗാനിസ്ഥാന്റെ സെമി പ്രവേശം. ആദ്യം ബാറ്റു ചെയ്ത അഫ്ഗാനിസ്ഥാൻ നിശ്ചിത 50 ഓവറിൽ 309 റൺസെടുത്തപ്പോൾ സന്ദർശകരുടെ സ്പിൻ കെണിയിൽ കുരുങ്ങിയ ന്യൂസീലൻഡ് 28.1 ഓവറിൽ 107 റൺസിന് പുറത്തായി. കരുത്തരായ ഓസ്ട്രേലിയയാണ് സെമിയിൽ അഫ്ഗാന്റെ എതിരാളികൾ.
×
