Manoramaonline.com no longer supports Internet Explorer 8 or earlier. Please upgrade your browser.  Learn more »

ദിലീപിനു വിദേശത്തു പോകാം; താൽക്കാലിക അനുമതി നൽകി കോടതി

Actor Dileep

കൊച്ചി∙ യുവനടിയെ തട്ടിക്കൊണ്ടു പോയി ഉപദ്രവിച്ച കേസിൽ ജാമ്യം ലഭിച്ച പ്രതി നടൻ ദിലീപിനു വിദേശത്തു പോവാൻ കോടതിയുടെ താൽക്കാലിക അനുമതി. ദിലീപിന്റെ പുതിയ സിനിമയുടെ പ്രചാരണ പരിപാടികൾക്കു വേണ്ടി ഈ മാസം 25 മുതൽ മേയ് നാലു വരെ ദുബായ്, സിംഗപ്പൂർ എന്നിവിടങ്ങൾ സന്ദർശിക്കാനാണു ഹർജി പരിഗണിച്ച അഡീ.സെഷൻസ് കോടതി അനുവാദം നൽകിയത്. 

നടിയെ തട്ടിക്കൊണ്ടു പോയി അപകീർത്തികരമായ ചിത്രങ്ങൾ പകർത്താൻ ക്വട്ടേഷൻ നൽകിയെന്ന കേസാണു ദിലീപിനെതിരെ നിലനിൽക്കുന്നത്. കേസിന്റെ വിചാരണ പൂർത്തിയാവും വരെ കോടതിയുടെ അനുവാദം ഇല്ലാതെ ദിലീപ് വിദേശത്തേക്കു പോവാതിരിക്കാൻ പാസ്പോർട്ട് തടഞ്ഞുവച്ച ശേഷമാണു ജാമ്യം അനുവദിച്ചിരുന്നത്.

കേസിൽ ജാമ്യം ലഭിച്ച ശേഷം രണ്ടാം തവണയാണു വിദേശയാത്ര നടത്താൻ ദിലീപ് കോടതിയുടെ അനുവാദം ചോദിക്കുന്നത്. കേസിൽ ജാമ്യം ലഭിച്ച അഭിഭാഷകർ അടക്കമുള്ള പ്രതികളുടെ പാസ്പോർട്ടുകളും കോടതി തടഞ്ഞിട്ടുണ്ട്.  കേസിന്റെ വിചാരണ നടപടികൾക്കു വേണ്ടി മേയ് 21നാണു ജില്ലാ പ്രിൻസിപ്പൽ സെഷൻസ് കോടതി കേസ് വീണ്ടും പരിഗണിക്കുന്നത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.