തിരുവനന്തപുരം∙ കാലവര്ഷക്കെടുതി നേരിടുന്നതിന് അടിയന്തരനടപടി സ്വീകരിക്കാന് ചീഫ് സെക്രട്ടറിക്കും കലക്ടര്മാര്ക്കും മുഖ്യമന്ത്രി നിർദേശം നല്കി. കാലവര്ഷം കൂടുതല് ദുരിതം സൃഷ്ടിച്ച കോഴിക്കോട് ജില്ലയിലേക്ക് കേന്ദ്ര ദുരന്തനിവാരണസേനയെ അയക്കും. 48 പേരടങ്ങുന്ന സംഘം ഉടന് കോഴിക്കോട് എത്തിച്ചേരും.
അടിയന്തരഘട്ടങ്ങളെ നേരിടാന് ഒരു സംഘത്തെ കൂടി സംസ്ഥാനത്തേക്ക് എത്തിക്കും. ദുരന്തനിവാരണ പ്രവര്ത്തനങ്ങളില് പങ്കാളികളാകാന് പൊലീസ്, ഫയര്ഫോഴ്സ് എന്നീ സേനാവിഭാഗങ്ങള്ക്കും നിർദേശം നല്കി. റവന്യുമന്ത്രിയുടെ നേതൃത്വത്തില് ഗതാഗത, തൊഴില് വകുപ്പുമന്ത്രിമാര് കോഴിക്കോട് ജില്ലയിലെ സ്ഥിതിഗതികള് വിലയിരുത്തുന്നുണ്ട്.