Manoramaonline.com no longer supports Internet Explorer 8 or earlier. Please upgrade your browser.  Learn more »

വ്യവസായ സൗഹൃദ സംസ്ഥാനം: ആന്ധ്ര ഒന്നാമത്, ആദ്യ പത്തിൽ കേരളമില്ല

kerala-it-special പ്രതീകാത്മക ചിത്രം.

ന്യൂഡല്‍ഹി∙ ഇന്ത്യയിലെ വ്യവസായ സൗഹൃദ സംസ്ഥാനങ്ങളുടെ പട്ടികയില്‍ ആന്ധ്രപ്രദേശിന് ഒന്നാം റാങ്ക്. ലോകബാങ്കിന്റെ സഹകരണത്തോടെ കേന്ദ്ര സർക്കാരാണു സംസ്ഥാനങ്ങളുടേയും കേന്ദ്രഭരണ പ്രദേശങ്ങളുടേയും പ്രവര്‍ത്തനം വിലയിരുത്തി പട്ടിക തയാറാക്കിയത്. തെലങ്കാനയാണ് പട്ടികയില്‍ രണ്ടാം സ്ഥാനത്ത്. 21-ാം റാങ്കാണു കേരളത്തിനു ലഭിച്ചത്.

ഹരിയാന, ജാര്‍ഖണ്ഡ്, ഗുജറാത്ത്, ഛത്തീസ്ഗഡ്, മധ്യപ്രദേശ്, കര്‍ണാടക, രാജസ്ഥാന്‍, ബംഗാൾ എന്നിവയാണു മൂന്നു മുതൽ 10 വരെയുള്ള സ്ഥാനങ്ങളിൽ. 36–ാം സ്ഥാനത്തുള്ള മേഘാലയയാണ് ഏറ്റവും പിന്നിൽ. രാജ്യതലസ്ഥാനമായ ഡല്‍ഹി കേരളത്തിനും പിന്നിലായി 23-ാം സ്ഥാനത്തേക്കു പിന്തള്ളപ്പെട്ടു. തമിഴ്നാട് 15–ാം സ്ഥാനത്താണ്.

അതേസമയം, കേരളത്തിനു ലഭിച്ച ചില സ്കോറുകളിൽ നേട്ടമുണ്ട്. 2016–17 വർഷം 26.92 ശതമാനമായിരുന്നു പദ്ധതി നടപ്പാക്കലിലെ സ്കോർ (20–ാം സ്ഥാനം). 2017–18 വർഷത്തിൽ ഈ സ്കോർ 44.79 ശതമാനമായി വർധിച്ചു. സർക്കാർ നടപ്പാക്കിയ പരിഷ്കാരങ്ങൾ പ്രാബല്യത്തിലാകുന്നതോടെ നില മെച്ചെപ്പെടുമെന്നാണു കേരളത്തിന്റെ പ്രതീക്ഷ.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.