ശശി തരൂർ (ഫയൽ ചിത്രം)
ന്യൂഡൽഹി∙ പാക്കിസ്ഥാനുമായി താരതമ്യപ്പെടുത്തി ഇന്ത്യന്‍ ജനാധിപത്യത്തെ അപമാനിച്ച ശശി തരൂര്‍ മാപ്പു പറയണമെന്നു ബിജെപി ആവശ്യപ്പെട്ടു. പാക്കിസ്ഥാന്‍കാരെ സ്‌നേഹിച്ചോളൂ, എന്നാല്‍ ഭാരതീയരെ നിന്ദിക്കരുത്. തുച്ഛമായ രാഷ്ട്രീയ നേട്ടത്തിനായി ഇന്ത്യയെ ഭീകരരാഷ്ട്രമായ പാക്കിസ്ഥാനുമായി തുലനം ചെയ്യാന്‍ കോണ്‍ഗ്രസ് നേതാക്കള്‍ക്കു മാത്രമേ കഴിയുകയുള്ളുവെന്നും ബിജെപി കുറ്റപ്പെടുത്തി. സുനന്ദാ പുഷ്‌കറിന്റെ മരണത്തിനു ശേഷം പാക് മാധ്യമപ്രവര്‍ത്തക മെഹര്‍ തരാറുമായുള്ള തരൂരിന്റെ ബന്ധം വിവാദമായിരുന്നു. ഇക്കാര്യം ചൂണ്ടിക്കാട്ടിയാണ് ബിജെപിയുടെ പ്രസ്താവന.
×
