Manoramaonline.com no longer supports Internet Explorer 8 or earlier. Please upgrade your browser.  Learn more »

കാറപകടം: ഹനാന്റെ നട്ടെല്ലിന് സാരമായ പരുക്ക്; ശസ്ത്രക്രിയയ്ക്ക് വിധേയയാക്കും

ഇ. അനഘ ജയൻ
Hanan Hamid ഹനാൻ ഹമീദ്

കൊടുങ്ങല്ലൂർ∙ കോളജ് യൂണിഫോമിൽ മീൻ വിറ്റ് വാർത്തകളിൽ നിറഞ്ഞ ഹനാനു വാഹനാപകടത്തിൽ സാരമായി പരുക്കേറ്റു. ഇന്നു പുലർച്ചെ കൊടുങ്ങല്ലൂർ കോതപറമ്പിൽ വച്ചാണു ഹനാൻ സഞ്ചരിച്ച കാർ അപകടത്തിൽ പെട്ടത്. കാർ നിയന്ത്രണം വിട്ടു വൈദ്യുതി പോസ്റ്റിൽ ഇടിക്കുകയായിരുന്നു. നട്ടെല്ലിനു സാരമായി പരുക്കേറ്റ ഹനാനെ കൊച്ചി മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചു. നട്ടെല്ലിനു പൊട്ടലുള്ളതിനാൽ ഹനാനെ ശസ്ത്രക്രിയയ്ക്കു വിധേയയാക്കും. വാഹനം ഓടിച്ചിരുന്ന ഡ്രൈവർക്കും പരുക്കേറ്റിരുന്നു.

കൊടുങ്ങല്ലൂരിൽ സ്റ്റേജ് ഷോ കഴിഞ്ഞു മടങ്ങും വഴിയാണ് അപകടമുണ്ടായത്. ഒരാൾ റോഡ് മുറിച്ചു കടക്കുന്നതിനിടെ അപകടം ഒഴിവാക്കുന്നതിനു കാർ വെട്ടിച്ചപ്പോൾ വൈദ്യുതി തൂണിൽ ഇടിക്കുകയായിരുന്നെന്ന് ഹനാൻ മനോരമ ഓണ്‍ലൈനിനോടു പറഞ്ഞു. കൊടുങ്ങല്ലൂരിലെ സ്വകാര്യ ആശുപത്രിയിലാണ് ഹനാനെ ആദ്യം പ്രവേശിപ്പിച്ചത്. പിന്നീടാണ് കൊച്ചിയിലെത്തിച്ചത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.