ന്യൂഡൽഹി ∙ കേരളത്തിൽ പുതിയ ക്വാറികൾക്ക് അനുമതി നല്കില്ലെന്ന് കേന്ദ്രസർക്കാർ അറിയിച്ചു. പ്രളയ ദുരിതത്തിന്റെ പശ്ചാത്തലത്തിലാണു നടപടി. ഖനനവും അനുവദിക്കാനാകില്ലെന്നും കേന്ദ്രം അറിയിച്ചു.
കേന്ദ്ര പരിസ്ഥിതി മന്ത്രാലയത്തിന്റെ വിദഗ്ധ സമിതിയാണ് ഇക്കാര്യത്തിൽ തീരുമാനമെടുത്തത്. സംസ്ഥാനത്ത് ഇപ്പോൾ നടക്കുന്ന ഖനനത്തിന്റെ വിവരങ്ങൾ കേരളം കൈമാറണമെന്നും നിർദേശമുണ്ട്.