കോഴിക്കോട്∙ പേരാമ്പ്രയിലെ സ്വകാര്യ ആശുപത്രിയിൽ യുവാവ് മരിച്ചത് നിപ്പ ബാധിച്ചല്ലെന്നു സ്ഥിരീകരണം. മണിപ്പാൽ വൈറോളജി ഇൻസ്റ്റിറ്റ്യൂട്ടിലെ പരിശോധന ഫലത്തിലാണ് മരണകാരണം എച്ച്വൺഎൻവൺ ആണെന്നു തെളിഞ്ഞത്. കോഴിക്കോട് മേപ്പയൂർ സ്വദേശിയായ യുവാവ് മരിച്ചത് നിപ്പ ബാധിച്ചാണെന്നു സമൂഹമാധ്യമങ്ങളിൽ വ്യാപക പ്രചാരമുണ്ടായിരുന്നു.
ഇതിനെ തുടർന്നാണ് ആരോഗ്യ വകുപ്പ് പരിശോധനയ്ക്കായി സാംപിളുകൾ വൈറോളജി ഇൻസ്റ്റിറ്റ്യൂട്ടിലേക്ക് അയച്ചത്. യുവാവിന്റെ ഭാര്യയുടെയും ഇവരുടെ വീടിനു സമീപമുള്ള രണ്ടു കുട്ടികളുടെയും സാംപിളുകളും പരിശോധനയ്ക്കായി അയച്ചിട്ടുണ്ട്. ഇതിന്റെ ഫലം തിങ്കളാഴ്ച ലഭിക്കും. കോഴിക്കോട് മെഡിക്കൽ കോളജിൽ നിരീക്ഷണത്തിലാണ് ഇവർ.