പമ്പ∙ ശബരിമലയിൽ യുവതീപ്രവേശം അനുവദിച്ച സുപ്രീം കോടതി വിധിക്കെതിരെ നടക്കുന്ന സമരത്തിൽ വേറിട്ട പ്രതിഷേധവുമായി ചെന്നൈ സ്വദേശിനിയായ പദ്മപൂർണി. ‘തനിക്ക് 9 വയസ്സായി, ശബരിമലയിലേക്കുള്ള മൂന്നാമത്തെ വരവാണ്. ഇനി 41 വർഷങ്ങൾക്കുശേഷമേ (2058ൽ) വരികയുള്ളൂ’ – എന്ന ബാനറുമേന്തിയാണ് പദ്മപൂർണിയുടെ പ്രതിഷേധം. ചെന്നൈ പുഴുതിവാക്കം സ്വദേശിയാണ് പദ്മപൂർണി. കുടുംബത്തോടൊപ്പമാണ് കുട്ടി മലകയറിയത്. കുട്ടി അയ്യപ്പന്മാരെയും മാളികപ്പുറങ്ങളെയും തോളിലേറ്റിയുള്ള പ്രതിഷേധ പ്രകടനങ്ങൾ കഴിഞ്ഞ ദിവസങ്ങളിൽ നടന്നിരുന്നു. എന്നാൽ പദ്മപൂർണിയുടെ വ്യത്യസ്ത സമരം പ്രത്യേക ശ്രദ്ധനേടി.
ശബരിമല സന്നിധാനത്ത് പ്രതിഷേധിക്കുന്ന പദ്മപൂർണി. ചിത്രം: പി. നിഖിൽരാജ്.
Advertisement