Manoramaonline.com no longer supports Internet Explorer 8 or earlier. Please upgrade your browser.  Learn more »

പാളത്തിൽ നവീകരണം: തൃശൂർ– ഷൊർണൂർ പാതയിൽ ട്രെയിൻ ഗതാഗത നിയന്ത്രണം

Train | Indian Railway

തൃശൂർ ∙ വടക്കാഞ്ചേരി– മുളങ്കുന്നത്തുക്കാവ് റെയിൽവേ സ്റ്റേഷനുകളിൽ ട്രാക്ക് നവീകരണം നടക്കുന്നതിനാൽ നവംബർ 1 മുതൽ 15 വരെ തൃശൂർ– ഷൊർണൂർ റെയിൽപാതയിൽ ട്രെയിൻ ഗതാഗതത്തിനു നിയന്ത്രണം ഏർപ്പെടുത്തി. 1, 3, 4, 5, 8, 10, 11, 12, 15 എന്നീ ദിവസങ്ങളാണു ട്രെയിൻ ഗതാഗതം പുനക്രമീകരിച്ചത്.

56605 കോയമ്പത്തൂർ–തൃശൂർ പാസഞ്ചറും 56603 തൃശൂർ–കണ്ണൂർ പാസഞ്ചറും ഈ ദിവസങ്ങളിൽ തൃശൂർ–ഷൊർണൂർ സെക്‌ഷനിൽ ഭാഗികമായി റദ്ദാക്കി. യാത്രാക്കാരുടെ സൗകര്യത്തിനായി 17230 ഹൈദരാബാദ്–തിരുവനന്തപുരം ശബരി, 17229 തിരുവനന്തപുരം–ഹൈദരാബാദ് ശബരി എക്സ്പ്രസുകളിൽ താൽക്കാലികമായി അധിക സ്ലീപ്പർ കോച്ച് അനുവദിച്ചു.

∙ 16348 മംഗലാപുരം–തിരുവനന്തപുരം എക്സ്പ്രസ് ഷൊർണൂർ–വള്ളത്തോൾ നഗർ സെക്‌ഷനിൽ ഒന്നര മണിക്കൂറോളം പിടിച്ചിടും.

∙ പ്രതിവാര എക്സപ്രസ് ട്രെയിനുകളായ 16360 പട്ന–എറണാകുളം, 16311 ശ്രീഗംഗാനഗർ–കൊച്ചുവേളി എന്നിവ നാളെയും 8,15 തീയതികളിലും ഒന്നര മണിക്കൂർ വൈകും.

∙ 16335 ഗാന്ധിധാം– നാഗർകോവിൽ എക്സ്പ്രസ് 3, 10 തീയതികളിൽ 2 മണിക്കൂർ വള്ളത്തോൾ നഗറിൽ പിടിച്ചിടും

∙ 16337 ഒക്ഖ– എറണാകുളം എക്സ്പ്രസും 22634 നിസാമുദ്ദീൻ–തിരുവനന്തപുരം എക്സ്പ്രസും 4, 11 തീയതികളിൽ 2 മണിക്കൂർ വൈകും

∙ 19260 ഭാവ്നഗർ– കൊച്ചുവേളി എക്സ്പ്രസ് 5, 12 തീയതികളിൽ 2 മണിക്കൂർ വള്ളത്തോൾ നഗറിൽ പിടിച്ചിടും

∙ 07115 ഹൈദരാബാദ്– കൊച്ചുവേളി സ്പെഷൽ ട്രെയിൻ 4, 11 തീയതികളിൽ പാലക്കാട് ഡിവിഷനിൽ ഒരു മണിക്കൂർ പിടിച്ചിടും.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.