Manoramaonline.com no longer supports Internet Explorer 8 or earlier. Please upgrade your browser.  Learn more »

പണിമുടക്കിയ കെഎസ്ആർടിസി ജീവനക്കാർക്കെതിരെ നടപടിയെടുക്കാം: ഹൈക്കോടതി

ksrtc-strike

കൊച്ചി∙ കെഎസ്ആർടിസി റിസർവേഷൻ കൗണ്ടറുകൾ കുടുംബശ്രീയെ എൽപിക്കാനുള്ള തീരുമാനത്തിനെതിരെ മിന്നൽ പണിമുടക്ക് നടത്തിയ കെഎസ്ആർടിസി ജീവനക്കാർക്കെതിരെ നടപടിയെടുക്കാൻ ഹൈക്കോടതി നിർദേശം. നടപടി സ്വീകരിക്കുന്നതിന് സർക്കാരിൽനിന്ന് മുൻകൂർ അനുമതി ആവശ്യമില്ലെന്നും അനുമതി ലഭിക്കാൻ കാത്തിരിക്കേണ്ടതില്ലെന്നും കോടതി അറിയിച്ചു.

പാലായിലുള്ള സെന്റർ ഫോർ കൺസ്യൂമർ എജ്യൂക്കേഷനാണു നടപടി ആവശ്യവുമായി കോടതിയെ സമീപിച്ചത്. 102 ജീവനക്കാരാണു കഴിഞ്ഞ ഒക്ടോബർ 16ന് നടത്തിയ മിന്നൽ പണിമുടക്കിൽ പങ്കെടുത്തത്. ഇവർക്കെതിരെ നടപടി സ്വീകരിക്കണമെന്നാവശ്യപ്പെട്ട് കെഎസ്ആർടിസിക്കും പരാതി നൽകിയിരുന്നു. പരാതിയിൽ ഒരുമാസത്തിനകം നടപടി സ്വീകരിക്കണമെന്നു കോടതി നിർദേശിച്ചിട്ടുണ്ട്. 1.5 കോടി രൂപയാണ് കെഎസ്ആർടിസിക്ക് ജീവനക്കാരുടെ മിന്നൽ പണിമുടക്കിലൂടെയുണ്ടായ നഷ്ടം. ഇതിനെതിരെ നടപടിയെടുക്കുന്നതിന് അനുമതി ആവശ്യപ്പെട്ട് കെഎസ്ആർടിസി സർക്കാരിന് കത്തയച്ചിരുന്നു.

related stories
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.