മംഗളുരുവിലേക്ക് പോവുന്ന ഇന്റർസിറ്റി ഇരിണാവിനു സമീപം നിർത്തിയിട്ടിരിക്കുന്നു.
പാപ്പിനിശേരി∙ കണ്ണൂർ - മംഗളൂരു റൂട്ടിൽ ട്രെയിൻ ഗതാഗതം നിലച്ചു. കണ്ണപുരം - പാപ്പിനിശേരി റെയിൽവേ സ്റ്റേഷനിടയിലെ കണ്ണപുരം ചൈനാ ക്ലേ റോഡ് റെയിൽവേ ഗേറ്റിൽ ലോറി ഇടിച്ചതിനെ തുടർന്നു വൈദ്യുതി ബന്ധം ഇല്ലാതായി. ഇരിണാവ് റെയിൽവേ ഗേറ്റിനു സമീപം കോയമ്പത്തൂർ - മംഗളൂരു ഇന്റർസിറ്റി, ലൈനിൽ വൈദ്യുതി ലഭിക്കാത്തതിനാൽ നിർത്തിയിട്ട നിലയിലാണ്. നൂറുകണക്കിനു യാത്രക്കാർ ദുരിതത്തിലായി. ഇന്ന് 11.30നായിരുന്നു സംഭവം. റെയിൽവേ വൈദ്യുതി ലൈനിൽ തട്ടി പവർ സപ്ലൈ നിലയ്ക്കുകയായിരുന്നു. വൈദ്യുതി തകരാർ ശരിയാക്കി ഉടൻ ട്രെയിൻ ഗതാഗതം സാധാരണ നിലയിലാക്കുമെന്ന് റെയിൽവേ അറിയിച്ചു.
×
